NRK-profilen slutter i jobben

TIL KOM-BRANSJEN: Mannen frå Utvik skal no jobbe som kommunikasjonsleiar i Norec, som tidlegare heitte Fredskorpset.

NRK-profilen slutter i jobben

(Firda): Det melder Norec i ei pressemelding måndag.

Bruland danka med det ut 17 andre søkarar. Direktør Jan Olav Baarøy, er glad for at nordfjordingen takka ja til jobben.

– Bruland sit på mykje kunnskap om svært mange felt. Han har omfattande internasjonal erfaring som han har bygd opp over 25 år. At han kjenner media, både nasjonalt og internasjonalt, frå innsida er kunnskap vi kjem til å få god nytte av, seier Baarøy.

Norec har kontor i sentrum sør i Førde, og Bruland vil bli leiar for fire tilsette. I tillegg får han eit sete i leiargruppa i organisasjonen.

Baarøy omtalar den tidlegare korrespondenten som handlekraftig og løysingsorientert.

– Eg ser fram til å få han i staben, seier Baarøy.

46-åringen frå Utvik har 15 år bak seg i NRK, og dei siste åra som korrespondent for NRK. Han har i desse åra hatt base i Berlin, men valde å flytte tilbake til Nordfjord i haust for å jobbe på NRK Vestland sitt lokalkontor.

No har han altså valt å forlate journalistikken.

– Det er kjekt å utfordre seg sjølv, og eg trur det blir både lærerikt og spennande. Å kunne bu lokalt og jobbe internasjonalt er ein unik kombinasjon, seier Bruland.